كلنا عندنا مشكلات فى الحياه وبرغم اختلاف المواضيع والظروف المحيطه بكل مشكله الا ان اغلب المشاكل
فى مجتمعاتنا تقريبا تشبه بعضها واهمها المشاكل الزوجيه وعدم التفاهم بين الزوجين ودى اصعب المشاكل
واسهلها فى نفس الوقت
ليييييييييييييييه
اصعبها لان الخلاف وعدم التفاهم بين الازواج بيدمر الحياه وبخلى العيشه لا تطاق
واسهلها فى الحل لاننا بس لو سمعنا بعض وفكرنا نحل هتتحل فى ثوانى كل المشاكل
المهم بما اننا كسيدات دايما حاسين اننا مظلومين ومش واخدين حقنا وزى مبيقولو مكسورين الجناح
لكن الحقيقه اننا نقدر نعمل كل حاجه ونحل كل المواضيع ونمشى كل الامور على مزاج مزاجنا كمان بس
محتاجين شويه تكتيك وكيد ومعرفه تامه مع من نتعامل
اغلب الظن ان الراجل الشرقى طباعه مبتتغيرش
بس انا هدفى مش انى اغيرك انا هدفى انى اعيش سعيده معاك وده هيخلبنى اجرب كل الطرق والوسائل
الخطط اللى تخليك تغير معاملتك معايا مش تتغير
اهم الحاجات اللى ممكن اعملها عشان اكسب جوزى واعيش سعيده
_ اعرف انه قدرى ونصيبى فى الدنيا وانه احيانا بيبقى ابتلاء من ربنا ليا والصبر عليه ثوابه عظيم
وانى اكيد مش هفكر اغيره الا فى حالات يستعصى فيها العلاج
_اهم شئ فى كل العلاج انى اكون مثابره وناويه على النجاح مش بس بجرب يعنى هنجح هنجح باذن الله
مفيش تراجع او استسلام
_ادرس جيدا جدا طبيعه وشخصيه زوجى واكتب كل عيوبه وسلبياته فى ورقه مثلا وكمان اكتب ايجابياته
واحدد كويس ايه اللى بيبسطه وايه اللى يبعصبه او يدايقه
_اشوف نفسى بعيونه (اييييييه) يعنى اخرج بره نفسى وادخل جواه اشوف هوه شايفنى ازاى
وايه اللى بيعجبه فيا وايه اللى مبيعجبووووووووووووووووش
_اعرف ايه نقطه ضعفه (كل بنى ادم لازم يكون ليه نقطه ضعف )او كتر حاجه بيحبها ومستغناش عنها
وده المدخل اللى هنقدر ندخله منه
_البرود ثم البرود ثم البرود احط اعصابى فى ثلاجه لالالا فى فريزر لازم اكون بارده وهاديه
ومركزه كويس انا بعمل ايه
_لازم اكون رقيقه مطيعه هاديه حنينه دلوعه وحكيمه والعيبه متطلعش منى
_اعرف ان الوضوع هياخد وقت طويل جدا فى الحل مستعجلش النتايج وابدا اطلب
المقابل لالالالالا المردود هيجى لوحده من غير ما اطلبه
_لازم يكون ليا حياه خاصه داخل حياتى يكون زوجى فيها مش هوه محورها او اساسها
والافضل انه ميكونش ليه وجود فيها زى شغل او هوايه او حتى دايره اصحاب او ساعه فى اليوم
اجلس فيها مع نفسى اصفى ذهنى وانسى كل شئ فى العالم
_بعد كده على حسب مدخل جوزك تقدرى تتعاملى المهم انك عارفه ان فيه مشكله وانك باذن الله
لازم تحليها لان دى حياتك وهتعيشيها مره واحد مش هتكون نكد ولا هم ولا حزن
امثله للمشكلات
زوج نكدى او انانى او بخيل او عصبى او خاين او لسانه طويل او ابن امه
او مش بيهتم بزوجته او متسلط جدا او غيور غيره مرضيه او روتينى
او .............. اى صفه ممكن تكون سبب المشاكل
كل مشكله ليها ظروفها بس طريقه الحل تقريبا واحده باتياع الاساسيات ثم نبدا بتحديد طريقه حل
المشكله او الصفه اللى عايزين نتعامل معاها
كل مره هنجيب مشكله بتقابلنا مع الزوج وعلاجها العلمى والنفسى وكمان خبرات الستات
اللى اهم من 100 شهاده علميه
يتبع...........
الأربعاء 25 نوفمبر - 22:32:53 من طرف 
