طريقه تفصيل فستان طفله بالتفصيل الممل

[center]

لكل الامهات اللى قاعدين فاضيين ومش لاقيين حاجه يعملوها
لو عندك بنوته ضغنونه ربنا يخليهالك ويرزقنى انا كمان

تعالى اتعلمى تعمليلها فستان حلو وشيك وبسيط جدا اهو تشغلى وقتك وتوفرى فلوسك

بس الفستان ده مخصوص لسلمى بنت اميره

ممكن لو انتى اول مره تمسكى مقص تعمليه بقطعه قماش قديمه عند وبعد كده تشترى قماش جديد


ده الفستان اللى هنعمله شيك وروووووووووووعه

هنبدا نعمل باترون بسيط مسطح للفستان (بورق جرايد)
هتقيسى بمازوره لبتوتك الحلوه
دوران الصدر
دوران الوسط
الطول من الكتف للوسط
الطول من الكتف لحد طول الفستان المناسب
مثال بالارقام
دوران الصدر 60 سم
دوران الوسط40 سم
الطول من الكتف للوسط35 سم
طول الفستان من الكتف 80



نرسم مستطيل بطول الفستان ناقص منه طول الحمالات ولتكن13 سم (80-13=67)
وعرض دوران الصدر على4=15 سم
ناخد مقاس قصه الصدر مثلا 15 سم ونعمل خط بالعرض
ناخد الطول من الكتف للوسط نطرح منه 13 سم الحماله و15 سم القصه (35-13-15=7)
نقيس ال 7 سم من تحت الخط الاول العرضى ونعمل خط تانى هنسميه خط الوسط

نطرح دوران الصدر من دوران الوسط(60-40=20\2=5 سم
ندخل ال5 سم على خط الوسط ده هيكون تكسيم الوسط
ونوصل نقطه التكسيم بنقطه القصه العلويه(زى الصوره )
نخرج عن اخر خط فى المستطيل حوالى 10 سم مقدار توسيع الذيل
ونوصل نقطه تكسيم الوسط بمقدار التوسيع

القصه الطوليه نقسم اعرض على 2 ونرسم خط طولى

قصه الصدر
نعمل مستطيل بطول 15 سم وعرض 50 سم مقدار الكشكشه ونعمل حرده الصدر وحرده الابط




نعمل الخلف زى الامام بالضبط
ونرقم القصات وتكتب كل البيانات


مرحله القص
عند القص بنضيف مسافه 1.5 كمقدار خياطه




قبل قص الورق وفصل القصات عن بعضها هنقص البطانه الاول بالباترون كامل
الامام على قماش مثنى(بعنى نحط حرف الباترون على الجزء المثنى من القماش)
بحيث يكون قطعه واحده بعد القص
والخلف على قماش مثنى ايضا لكن مفصول من المنتصف قطعتين
على ان يكون طول البطانه اقصر من طول الفستان 10 سم

اما بطانه قصه الصدرهيكون كالاتى
الجزء الاول من الباترون (اللى باللون الابيض)نعمل فيها حردات الابط والصدر
وبتكون نفس عرص الباترون




نقوم بفصل الورق عن بعضه ونضعه على القماش ونقص
ومننساش مقدار الخياطه
قطعه 1 امام على قماش مثنى لتكون قطعه واحده
قطعه 2 امام يقص منها قطعتين

ق1 خلف يقص منها قطعتين
ق2خلف يقص منها قطعتين

مرحله الخياطه

لو عندك ماكينه خياطه بقى كويس جد ولو معندكيش يبقى هتجمعى القصات بغرزه سراجه صغيره جد
وبعد كل مرحله هتكوى كويس جدا بالمكواه خياطك عشان تتفرد

نبدا نخيط قصات الصدر مع بعض وقصات الظهر كمان لكن فى خياطه منتصف الظهر هنترك 10 سم
من اعلى بدون خياطه ونبدا القفل من بعد ال10 سم
ثم نجمع الصدر والظهر معا

نجمع البطانه ايضا ونخيط حرف ديل الفستان مع حرف ديل البطانه
ونثبت كمان الحرف العلوى مع بعضه بسراجه

هتلاحظ فرق فى الطول
نجمع قصه الصدر امام وخلف
ونجمع البطانه(منتصف الظهر مفتوح )
نكشكش قصه الصدر على البطانه على(وجه القماش فى وجه البطانه )
ونقلب القماش
ونجمع قصه الصدر على باقى الفستان
وبعد كده نعمل الحمالات ونركبها
شكل الذيل

لعمل شكل الذيل نرفع فرق الطول من الفستان عن البطانه ونقسمه و نعمل غرز
لتثبيته فى البطانه كما بالصوره

اخر حاجه تجيب شريط الماض ونلصقه على قصه الصدر
وان شاء الله يكون احلى فستان بنوتك لبسته
كفايه انه من عك ايدك
قصدى من عمايل ايدك

بارك الله فيكم

تسلم ايدك

تسلمى يا قمر وعقبال متعملى لبنوتك ان شاء الله. ليه سؤال هيه بطانه الصدر فيها كشكشه ليه ممطن اعمل الكشكشه فى الصدر وبعدين اخيطه فى البطانه

مايا احمد كتب:

تسلمى يا قمر وعقبال متعملى لبنوتك ان شاء الله. ليه سؤال هيه بطانه الصدر فيها كشكشه ليه ممطن اعمل الكشكشه فى الصدر وبعدين اخيطه فى البطانه

لا يا بنتى بطانه الصدر ملهاش مقدار كشكشه
ممكن موضحتهاش فى الشرح

هاى سمسمه اولا انتى عمله الصدر60 والوسط40 يعنى اللى هتلبسه موزه
انا بنتى الصدر والوسط 50 طفله مسسش ليها التكسيم اللى مدى الشكل الحلو ده للفستان

مايا احمد كتب:

هاى سمسمه اولا انتى عمله الصدر60 والوسط40 يعنى اللى هتلبسه موزه
انا بنتى الصدر والوسط 50 طفله مسسش ليها التكسيم اللى مدى الشكل الحلو ده للفستان

سلمى دى مزه المزز بس اكيد فيه فرق بسيط
وكده كده
كشكشه الصدر هتدى حجم زياده عن الوسط

كمان لما جيت اكعمل كشكشه الصدر مش حلوه ليه معى هى كشكشه عاديه يعنى سراجه وبعدين تشدى الفتله علشان تبقىعلى قد وسط الجونله اللى هتركب فيه ولا عملاه على انه كسرات صغيره انا مش عرفه اظبته

بطى تعملى الكشكشه قليله شويه لو القماش ناشف لكن لو ستان
هتبقى احلى

لو القماش ناشف اعملى كسرات واكويها بالمكواه وبعد كده خيطيها

ايوه اعملها ازى القماش ستان طرى شويه

هنزلك كام شكل جونله حلوين فى موضوع تانى هقولك عليه

بس الجونله طلعه تحفه

اقصد الجزء السفلى للفستان

مايا احمد كتب:

ايوه اعملها ازى القماش ستان طرى شويه

مهو الستان الكشكشه فيه هتبقى حلوه مش واقفه
ولو شايفاها ضخمه قللى مقدار الكشكشه شويه

او ممكن تستعمل ابر عشان تثبتى الكسرات
وتعملى غرز تثيبت من الداخل بعد كده عشان تتثبت

طرررح رووووعة ونايسسس
تسسسلم دياتك يالغلا
وبانتظار جديدك
لك ودي..||

الله يـع’ـــطــيك الع’ــاأإأفــيه ..
.. بنتظـأإأإأر ج’ـــديــــدك الممـــيز ..
.. تقــبل ــي م’ـــروري ..
كل أإألــــ ود وباأإأإقــة ورد