كلمنى عن رجولتك

كلمنى عن رجولتك..
وأنت قاعد وسط اصحابك و لما تعجبك بنت
تقوله بص ياض
و تخلى كل اللى قاعدين كلهم يبصوا عليها !!
كلمنى عن رجولتك..
وأنت مدى الحق لنفسك
تتريق على بنات الناس سواء كانت حلوة او وحشة
على الرغم من انك أصلا لا شكل و لا منظر
ولا حتى شخصية اى حد ممكن يحترمها
كلمنى عن رجولتك..
اللى تديك الحق تتكلم فى اعراض البنات وتفضحهم
مش من حقك على فكرة
سواء كانت مؤدبة او مش مؤدبة !!
كلمنى بقى أكتر عن رجولتك..
لما تطلع على بنت سمعة
لمجرد انها رفضت تكلمك و كسفتك و صدتك
مصدق نفسك حاسس انك راجل لما بتعمل كده !!
خليـــــــــــــــــــــك راجــــــــــل
الراجل مش يعنى عربية و شرب سجاير و خاربها مع البنات
خد بالك ..