ان شاء الله هبدأ شرح كل حاجه اعرفها واتعلمتها من شغل يدوى من ابسط الاشياء حتى الاحتراف
ربنا يعنى ويقدرنى انفع وافيد الناس
كل المطلوب دعوه حلوه مش اكتر
هنتعلم النهارده طريقه عمل فيونكه من ابسط ما يكون ودا للناس اللى معندهاش ماكينه خياطه
لانها بتتعمل بكذا طريقه دى اسهلهم
وهشرح على الصور
والهدف اننا نستغل حاجات قديمه ونجددها من غير ما نتكلف كتير وكمان نكون منتجين
بدل مننفجر من التخن والكسل اللى احنا فيه
هنستخدم اى نوع ولون قماش عندنا وباى مقاس ونقص قطعه مستطيله
بنتنى قطعه القماش من جميع الجهات باستخدام المكواه
نعمل خط فى المنتصف ونسرج عليه بالابره غرز متساويه
نشد الخيط ونلفه كذا مره ونعمل غرزه تثييت
هتطلع معايا شكل الفيونكه زى العسل
الخطوه الجايه تزينها
من غير تكاليف اى حاجه موجوده فى البيت ممكن نستعملها فى التزيين
وبالشكل اللى نحبه
ورينا شطارتك
دا قلب بمبى صغنون
ودى ترترايه على شكل ورده
ودى ورده من نفس اللون
وكمان ورده مش من نفس اللون
هنا لزقتها على شريط ستان ووزعن احجار كريستال عليه
دا فص خاتم كان مكسور ومركون فى الدرج اهه نفع فى حاجه مفيده
وهنا حطيت مع الورده شريط الماظ وممكن يتبدل بشرط ستان الموجود يسد
وفى النهايه ايه اللى ممكن نستفيده بالفيونكه الاموره اللى عملناها دى
اقولكو امثله
ممكن نجدد بيها فستان قديم لبنوتك ونغير شكله
او نثبته فى توكه شعر قديمه برضه ومركونه طوق او استيك او كليبس
او ممكن توزعيها على حرف مفرش سفره
او ستاره او ملايه سرير
اكيد هتلاقى ليها مليون استخدام المهم اننا عملنا حاجه حلوه بايدينا وشغلنا مخنا
الأربعاء 25 نوفمبر - 22:32:53 من طرف 
