اريت ياجماعة الناس اللى هتنزل اول مرة مظاهرات تحفظ الكلام ده صم علشان تساعدونا ان اليوم يمر
بسلام و متكنوش عبء على الثوار وجودكم مهم جدا بس الاهم منه انكم تكونوا عارفين بتعملوا ايه
عشان منبقاش سمك لبن تمر هندى ومجهود شباب واصل الليل بالنهار يضيع
نصائح 30 يونيو للى اول مرة مظاهرات :
1- موبايلك مشحون بطارية ورصيد .
2- للبنات ياريت نلبس بنطلون واللى مش بتحب تلبس بنطلون تلبسه تحت الجيب وهدومك ياريت تكون
واسعة عشان متعقش حركتك
3- دى أرقام غرفة العمليات لو لاقدر الله حصلك حاجه
01112322400-01149607549
4- تكون فى ورقة مكتوب فيها اسم ورقم تليفون حد من قرايبك فى جيبك عشان لا قدر الله لو
حصل حاجه يقدروا يتوصلوا لاهلك بسرعه
5- ياريت متتنطتش على المجموعه اللى هتبقى مسئولة عن تامين المسيرة وتعمل فيها بورم
لان الناس دى هدفها حمايتك ووقت الجد هما اللى هيدافعوا عنك ويمويوا للحفاظ عليك
6- لو سمعت سلمية يبقى فى محاولة اعتداء على المسيرة لو مش هتدافع عنها خليك فى الامان
فى الخلف لكن متجريش وتعمل حالة هرج ومرج فى المسيرة وتسلم الشباب تسليم اهالى
7- لو سمعت هتاف ايد واحدة يبقى فى مندسين بيحاولوا يشقوا الصف ودول فى ناس هتقوم
معاهم بالواجب فمتدخلش
8- خليك فى خضم المسيرة وبلاش تمشى على الاطراف عشان لو حصلت اشتباكات من
جوانب المسيرة مش هتعرف تتصرف
9-لو انضرب خرطوش متجريش اثبت واحمى وشك بكوعك وبص فى الارض عشان متتصبش فى عنيك
10- مفيش هتاف لا ضد ولا مع الجيش ولا الداخلية ولا هتاف لفصيل ولا هتاف عنصرى
او طائفى الهتاف موحد برحيل الخروف هو وجماعته
11- بالنسبة للبنات بلاش ميكب عشان الغاز ميهريش عيونك الحلوين وياريت كوتش ونبعد عن الكعب العالى
12- هدوم فاتحه و واسعه و كاب و نضارة شمس و ازازة ميه ساقعه
اخيرا .... ياريت ننزل و فى نيتنا نستمر مش فسحه ساعتين ونرجع