مصيبه ومش لاقيالها حل

سلام عليكم
حلوه فكره القسم ده

انا عندى مشكله وياريت الاقى ليها حل هنا

عندى واحده صحبتى وجوزها صديق جوزى لكن علاقتهم ببعض ميقتش زى الاول وميتكلموش تقريبا
انا اتعرفت عليها اصلا لما اتجوزت صديق جوزى
المهم ان من كام يوم سمعت من صاحب جوزى التانى ان صاحبه مصور مراته
فى البيت بلبس النوم
والصور دى كانت على تليفون حد يعرفه
يعنى تفريبا الراجل الغبى ادى حد تليفونه وهوه عليه الصور والتانى نقلها
وانشرت طبعا على النت
بس الست دى محترمه والله وطيبه جدا
واكيد جوزها مقصدش يعمل كده وميعرفش طبعا ان الصور اتاخدت من موبايله

انا بقى مش عارفه اعمل ايه اقولها ولا اقول لجوزها
طبعا الست اتفضحت من غير زنب
عايزه اقول علشان يدورو على الصور دى ويمحوها من النت
وخايقه تحصل مشاكل جامده لانه صعيدى وممكن يرتكب جنايه مع انه اللى غلطان
بس ممكن يفتكر مين اللى نقل الصور دى ويعمل مشاكل كبيره
وبيتهم هيتنكد طبعا والمشاكل هتكتر
اقول ولا اسكت يا جماعه دلونى
ربنا يخليكو

بصراحه مشكلتك صعبه جدا يا قمر
انتى ممكن تقولى لصحبتك بالراحه كده وتفهميها الموضوع
وهيا تتصرف مع جوزها
هيا ادرى بيه ممكن يعمل مشكله ولا لا
لانه اصلا هوه اللى غلطان
على العموم ربنا معاكى ويهديكى للصح

ربنا يسترها عليها وعلى كل بنات المسلمين هو طبعا اللى غلطان انتى شوفى علاقتك بيها ايه ينفع تكلميها فى موضوع زاى ولا
واتكلمى مع جوزك وشوفى رايه

لا حول ولا قوه الا بالله .سترك يا رب
قوللها فى البدايه الحكايه من غير ما تعرف انها هى البطله .وشوفى رد فعلها وبعد كده قوللها ان فى صوره واحده شبهها على النت وخليها تشوف الصور وهى حره بعد كده

يا نهااااار هوه فيه ناس غبيه كده 
حد يبهدل مراته كده ويفضحها 
مته لله الحيوان ده